‘ପତଞ୍ଜଳି କରୋନିଲ’ପ୍ରତିଦିନ ୧୦ ଲକ୍ଷ ପ୍ୟାକେଟର ଅର୍ଡର ଆସୁଛି : ବାବା ରାମଦେବ
ପ୍ରଥମେ ପତଞ୍ଜଳିର ‘କରୋନିଲ୍’ବହୁତ ବିବାଦୀୟ ହୋଇଥିଲା। କରୋନା ଭୂତାଣୁ କାଳରେ ବାବା ରାମଦେବଙ୍କ ପତଞ୍ଜଳିର କରୋନିଲ ଔଷଧ ବଜାରରେ ବହୁତ ଚାହିଦା ରହିଛି। ଯୋଗ ଗୁରୁ ରାମଦେବ ଦାବି କରିଛନ୍ତି ଯେ ପତଞ୍ଜଳି ଆୟୁର୍ବେଦ ଔଷଧ କରୋନିଲ ପାଇଁ ପ୍ରତିଦିନ ୧୦ଲକ୍ଷ ପ୍ୟାକେଟର ଅଡର ଆସୁଛି, ଯାହା କୋଭିଡ -୧୯ର ରୋଗ ପ୍ରତିରୋଧକ ଶକ୍ତି ବଢାଇଥାଏ।
ଗତକାଲି ବୁଧବାର ଦିନ ରାମଦେବ କହିଛନ୍ତି ଯେ ହରିଦ୍ୱାରସ୍ଥିତ କମ୍ପାନୀ ଏହି ଚାହିଦା ପୂରଣ ପାଇଁ ସଂଘର୍ଷ କରୁଛି, କାରଣ ଏହା ପ୍ରତିଦିନ କେବଳ ଗୋଟିଏ ଲକ୍ଷ ପ୍ୟାକେଟ୍ ଯୋଗାଇବାରେ ସକ୍ଷମ ହେଉଛି।ବାବା ରାମଦେବ ଦାବି କରିଛନ୍ତି ଯେ ଆଜି ଆମର ଦିନକୁ ୧୦ ଲକ୍ଷ ପ୍ୟାକେଟ କରୋନିଲର ଚାହିଦା ରହିଛି କିନ୍ତୁ ଆମେ କେବଳ ଏକ ଲକ୍ଷ ଯୋଗାଣ ଅତିକ୍ରମ କରୁଛୁ। ରାମଦେବ କହିଛନ୍ତି ଯେ ପନ୍ତଞ୍ଜଳି ଆୟୁର୍ବେଦ ଏହାର ମୂଲ୍ୟ ମାତ୍ର ୫ ଶହ ଟଙ୍କା ରହିଛି।
‘ଆତ୍ମନିର୍ଭରଶୀଳ ଭାରତ – ଭୋକାଲ୍ ଫର୍ ଲୋକାଲ୍’ ବାବା ରାମଦେବ ଶିଳ୍ପ ସଂସ୍ଥା ଆସୋଚେନ୍ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମକୁ ସମ୍ବୋଧିତ କରୁଥିଲେ। ସୂଚନାଯୋଗ୍ୟ ଗତ ଜୁନ୍ ମାସରେ ବାବା ରାମଦେବ ଦାବି କରିଥିଲେ ଯେ କରୋନିଲ୍ କୋଭିଡ୍ -୧୯ ରୋଗୀଙ୍କୁ ଭଲ କରିପାରେ। ତେବେ ଆୟୁଷ ମନ୍ତ୍ରଣାଳୟ ତୁରନ୍ତ ବିକ୍ରୟ ଉପରେ ପ୍ରତିବନ୍ଧକ ଲଗାଇଥଲା। ପରେ କେନ୍ଦ୍ର ମନ୍ତ୍ରଣାଳୟ କହିଛି ଯେ ପତଞ୍ଜଳି କେବଳ ଏହି ଉତ୍ପାଦକୁ ଆଣ୍ଟି-ଇନ୍ଫ୍ଲାମେଟୋରୀ ଔଷଧ ଭାବରେ ବିକ୍ରି କରିପାରିବ କିନ୍ତୁ ଏହାକୁ କୋଭିଡ -୧୯ ପାଇଁ ଚିକିତ୍ସା ଔଷଧ ଭାବରେ ବିକ୍ରି କରିପାରିବ ନାହିଁ।
