ଧମ୍ମଚକ୍ର ଦିବସରେ ପ୍ରଧାନମନ୍ତ୍ରୀଙ୍କ ବାର୍ତ୍ତା

ଆଜି ଧମ୍ମଚକ୍ର ଦିବସ ଅବସରରେ ଆୟୋଜିତ ଉଦ୍ଘାଟନୀ କାର୍ଯ୍ୟକ୍ରମରେ  ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏକ ଭିଡିଓ ମାଧ୍ୟମରେ ସମ୍ବୋଧିତ କରିଛନ୍ତି। ଭାରତ ସରକାରଙ୍କ ସଂସ୍କୃତି ମନ୍ତ୍ରଣାଳୟ ତରଫରୁ ଆନ୍ତର୍ଜାତୀୟ ବୌଦ୍ଧ କନଫେଡେରେସନ୍ ଅଷାଢ ପୂର୍ଣ୍ଣିମାକୁ ଧମ୍ମଚକ୍ର ଦିବସ ଭାବରେ ପାଳନ କରୁଛି।

ଏହି ଦିନ ଗୌତମ ବୁଦ୍ଧ ତାଙ୍କର ପାଞ୍ଚଜଣ ଅନୁଗାମୀ ଶିଷ୍ୟ କୁ  ଉତ୍ତରପ୍ରଦେଶର ବାରାଣାସୀ ଜିଲ୍ଲାର ରିସିପତନ ଠାରେ ଯାହାକି  ବର୍ତ୍ତମାନ ସାରନାଥ ନାମରେ ଜଣାଶୁଣା ବୌଦ୍ଧ ଧର୍ମର ପ୍ରଥମ ଉପଦେଶ ଦେଇଥିଲେ। ସାରା ବିଶ୍ୱରେ ବୌଦ୍ଧ ଧର୍ମର ଅନୁଗାମୀମାନେ ଏହି ଦିନକୁ ଧମ୍ମଚକ୍ର ପ୍ରବର୍ତ୍ତନ  ଦିନ ଭାବରେ ପାଳନ କରନ୍ତି।

ଏହି ଅବସରରେ ପ୍ରଧାନମନ୍ତ୍ରୀ ଅଷାଢ ପୁର୍ଣିମା,ଯାହାକି  ଗୁରୁ ପୂର୍ଣ୍ଣିମା ନାମରେ ଜଣାଶୁଣା ଦେଶବାସୀଙ୍କୁ ଅଭିନନ୍ଦନ ଜଣାଇବା ସହ ଭଗବାନ ବୁଦ୍ଧଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସେ ପ୍ରଭୁ ବୁଦ୍ଧ ଏବଂ ତାଙ୍କ ଦ୍ୱାରା ଦେଖାଯାଇଥିବା ଅଷ୍ଟାଙ୍ଗ ମାର୍ଗର ଶିକ୍ଷା ବିଷୟରେ ଉଲ୍ଲେଖ କରି କହିଥିଲେ ଯେ ଏହା ଅନେକ ସମାଜ ଏବଂ ରାଷ୍ଟ୍ର ପାଇଁ କଲ୍ୟାଣର ମାର୍ଗ ଦର୍ଶାଏ।  ବୌଦ୍ଧ ଧର୍ମର ଶିକ୍ଷା, ଲୋକ, ମହିଳା ଏବଂ ଗରିବ ଲୋକଙ୍କୁ ସମ୍ମାନ ପ୍ରଦାନ କରେ ଏବଂ ଅହିଂସା ଓ  ଶାନ୍ତି ଶିକ୍ଷା ଦିଏ, ଯାହା ପୃଥିବୀ ପରି ଗ୍ରହରେ ସ୍ଥାୟୀ ବିକାଶର ଆଧାର ଅଟେ।

ଶ୍ରୀ ମୋଦୀ କହିଛନ୍ତି ଯେ ଭଗବାନ ବୁଦ୍ଧ ତାଙ୍କ ଶିକ୍ଷାରେ ଆଶା ଏବଂ ଉଦ୍ଦେଶ୍ୟ ବିଷୟରେ କହିଥିଲେ ଏବଂ ଉଭୟଙ୍କ ମଧ୍ୟରେ ଏକ ଦୃଢ ସମ୍ପର୍କ ସ୍ଥାପନ କରିଥିଲେ। ସେ କହିଛନ୍ତି ଯେ ଏକବିଂଶ ଶତାବ୍ଦୀ ବିଷୟରେ ସେ କିପରି ଆଶାବାଦୀ ଏବଂ ସେ ଦେଶର ଯୁବକମାନଙ୍କଠାରୁ ଏହି ଆଶା ପାଆନ୍ତି।

ପ୍ରଧାନମନ୍ତ୍ରୀ କହିଛନ୍ତି ଯେ ଆଜି ବିଶ୍ୱ ଅସାଧାରଣ ସମସ୍ୟା ସହ ମୁକାବିଲା କରୁଛି ଯାହାର ସ୍ଥାୟୀ ସମାଧାନ ଭଗବାନ ବୁଦ୍ଧଙ୍କ ଶିକ୍ଷାରୁ ବାହାରିପାରିବ। ବୌଦ୍ଧ ଐତିହ୍ୟ ସ୍ଥଳ ସହିତ ଅଧିକ ଲୋକଙ୍କୁ ସଂଯୋଗ କରିବ ଏବଂ ଏହି ସାଇଟଗୁଡିକ ସହିତ ସଂଯୋଗ ବୃଦ୍ଧି କରିବାର ଆବଶ୍ୟକତା ବିଷୟରେ ସେ କହିଥିଲେ। ନିକଟରେ କୁଶୀନଗର ବିମାନ ବନ୍ଦରକୁ ଉତ୍ତରପ୍ରଦେଶର ଏକ ଅନ୍ତର୍ଜାତୀୟ ବିମାନବନ୍ଦର ଭାବରେ ଘୋଷଣା କରିବାକୁ ସେ କ୍ୟାବିନେଟର ନିଷ୍ପତ୍ତିକୁ ମଧ୍ୟ ଉଲ୍ଲେଖ କରିଛନ୍ତି, ଯାହାଦ୍ୱାରା ସ୍ଥାନୀୟ ଅର୍ଥବ୍ୟବସ୍ଥାକୁ ତ୍ୱରାନ୍ୱିତ କରିବା ଦ୍ୱାରା ତୀର୍ଥଯାତ୍ରୀ ଏବଂ ପର୍ଯ୍ୟଟକଙ୍କ ପାଇଁ ଯାତ୍ରା ସୁବିଧାଜନକ ହେବ।