ଐଶ୍ୱର୍ଯ୍ୟା ରାୟ ବଚ୍ଚନ ଓ ତାଙ୍କ ଝିଅ ଆରାଧ୍ୟା ବଚ୍ଚନଙ୍କ କରୋନା ପଜିଟିଭ;ଶନିବାର ରିପୋର୍ଟ ନେଗେଟିଭ ଆସିଥିଲା

ଶେଷ ଖବର ଅନୁସାରେ ,ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନ କରୋନା ପଜିଟିଭ୍ ଆସିବା ପରେ ବର୍ତ୍ତମାନ ଐଶ୍ୱର୍ଯ୍ୟା ରାୟ ବଚ୍ଚନ ଓ ତାଙ୍କ ଝିଅ ଆରାଧ୍ୟା ବଚ୍ଚନଙ୍କ କରୋନା ପରୀକ୍ଷା ପଜିଟିଭ ଆସିଛି।

ମହାରାଷ୍ଟ୍ରର  ସ୍ୱାସ୍ଥ୍ୟମନ୍ତ୍ରୀ ରାଜେଶ ଟୋପେ ଟ୍ୱିଟ୍ କରିଛନ୍ତି ଯେ ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ତାଙ୍କ ଝିଅ ଆରାଧ୍ୟା ବଚ୍ଚନ ଙ୍କ କରୋନା ରିପୋର୍ଟ ପଜିଟିଭ୍ ଆସିଛି। ଶ୍ରୀମତୀ ଜୟା ବଚ୍ଚନଙ୍କ କରୋନା ରିପୋର୍ଟ ନେଗେଟିଭ ଆସିଛି। ଆମେ ପ୍ରାର୍ଥନା କରୁଛୁ ଯେ ବଚ୍ଚନ ପରିବାର ଶୀଘ୍ର ସୁସ୍ଥ ହୁଅନ୍ତୁ।

ସୂଚନାଯୋଗ୍ୟ,ଐଶ୍ୱର୍ଯ୍ୟା ରାୟ ବଚ୍ଚନ, ଆରାଧ୍ୟା ଏବଂ ଜୟା ବଚ୍ଚନଙ୍କ  ଶନିବାର ରାତିରେ କରୋନା ରିପୋର୍ଟ ନେଗେଟିଭ ଆସିଥିଲା। କିନ୍ତୁ ଜୟା ବଚ୍ଚନ ଙ୍କ କରୋନା ରିପୋର୍ଟ ନେଗେଟିଭ ଆସିଛି। ରବିବାର ସକାଳେ ଅମିତାଭଙ୍କ ବଙ୍ଗଳା ଜାଲସା କୁ ବିଏମସି ଦ୍ୱାରା ସାନିଟାଇଜ କରାଯାଇଛି।

ଅଭିଷେକ ଟ୍ୱିଟ୍ କରି କହିଛନ୍ତି ଯେ ସେ କୋଭିଡ଼  ପଜିଟିଭ୍ ଏବଂ ଏ ସମ୍ପର୍କରେ ଅଧିକାରୀମାନଙ୍କୁ ସୂଚନା ଦେଇଛନ୍ତି। କେହି ଭୟଭୀତ ନହେବାକୁ ଅଭିଷେକ ମଧ୍ୟ ଅନୁରୋଧ କରିଛନ୍ତି।